*திருமணம் முடிக்கும்போது மணப் பெண்ணின் முன்னெற்றி ரோமத்தை பிடித்து ஓதும் துஆக்கள் ஏதும் உண்டா?*
*உங்களில் ஒருவர் ஒரு பெண்ணை அல்லது ஒரு பணிவிடையாளரை அல்லது வாகனத்தைப் பெற்றுக்கொண்டால், அதன் முன் பகுதியை பிடித்து பின்வரும் பிரார்த்தனையை ஓதிக் கொள்ளட்டும்*
(பொருள்: *அல்லாஹும்ம இன்னீ அஸ்அலுக மின் ஹைரிஹா வஹைரி மா ஜுபிலத் அலைஹி வஅஊது பிக மின் ஷர்ரிஹா வஷர்ரி மா ஜுபிலத் அலைஹி* என்று நபி(ஸல்) அவர்கள் கூறியதாக, *அப்துல்லாஹ் இப்னு அம்ரு* (ரலி) அறிவிக்கிறார் என்று *இப்னுமாஜா (1914)* நூலிலும், மற்றும் சில நூற்களிலுமாக (16 அறிவிப்புகளில்) ஒரு செய்தி பதிவு செய்யப்பட்டுள்ளது.
இந்த செய்தியின் அனைத்து அறிவிப்புகளிலும் *முஹம்மத் இப்னு அஜ்லான்* என்பவர் இடம் பெற்றிருக்கிறார்.
இவர் நல்லவர்தான் என்றாலும், அவரின் நினைவாற்றல் குறைவினால் இவரைப் பற்றி இமாம் ஹாகிம் உட்பட பல ஹதீஸ் கலை அறிஞர்கள் இவர் *மோசமான நினைவாற்றல்* கொண்டவர் என்று விமர்சனம் செய்துள்ளார்கள்.
இவருடைய அறிவிப்புக்கு ஏற்றவாறு மற்ற நம்பகமானவர்கள் அந்த ஹதீஸ்களை அறிவித்திருந்தால் மட்டுமே இவருடைய செய்திகளைப் பதிவு செய்வார்கள்.
இதனால்தான் இமாம் முஸ்லிம் அவர்கள் கூட, இவர் இடம்பெறும் ஹதீஸ்களைத் தனி ஆதாரமாகப் பதிவு செய்யவில்லை.
எனவே, *மணப் பெண்ணின் முன்னெற்றி ரோமத்தைப் பிடித்து ஓதும் பிரார்த்தனைப் பற்றிய இந்த செய்தி, மார்க்கத்தில் பின்பற்றத் தகுதியில்லாத தரத்தில் பலஹீனமானதாக இருக்கிறது.* இதுபோன்ற செய்தி ஆதாரப்பூர்வமான வேறு எந்த ஹதீஸிலும் இல்லை.
——————-
*ஏகத்துவம்*
About Author
