அஸ்ஸலாமு அலைக்கும் வ ரஹ்மத்துல்லாஹி வ பரக்காத்துஹூ*
|| *கேள்வி 226* ||
அத்தியாயம் 33 [ *அல் அஹ்ஸாப்* (எதிரணிகள்) வசனங்கள் (11~20]
_______________________________
1 ) *மரண பயத்திலிருந்து தப்பி ஓடுவது* குறித்து, அல்லாஹ் என்ன கூறுகிறான்?
நீங்கள் வெருண்டு ஓடினால், *அது மரணத்தையோ அல்லது கொல்லப்படுவதையோ தடுக்காது*. (அப்படி தப்பினாலும்) மிகக் குறைவாகவே நீங்கள் சுகவாழ்வு அளிக்கப்படுவீர்கள் என்று கூறுகிறான். (33:16)
________________________________
2 ) *மதீனாவின் பழைய பெயர் என்ன*? அந்தப் பெயர் குறித்து நபி (ஸல்) அவர்கள் என்ன கூறினார்கள்?
மதீனாவின் பழைய பெயர் யஸ்ரிப். நபி (ஸல்) அவர்கள், *மக்கள் யஸ்ரிப் (يَثْرِب) என்று கூறும், எல்லா ஊர்களையும் மிகைக்கக் கூடிய ஓர் ஊருக்கு (ஹிஜ்ரத் செல்ல) நான் பணிக்கப்பட்டேன். அதுதான் மதீனா* என்றும் *இரும்பின் துருவை உலை நீக்கிவிடுவதைப் போன்று மதீனா நகரம், தீயவர்களை வெளியேற்றி விடும்*. என்று கூறினார்கள்.
(33:13 & புகாரி 1871, முஸ்லிம் 2675)
________________________________
3 ) *அச்சம் வரும்போதும், அச்சம் நீங்கிய பிறகும் நயவஞ்சகர்களின் குணங்கள்* எவ்வாறு இருக்கின்றன?
•அச்சம் வரும்போது: *மரண பயத்தால் மூர்ச்சை அடைந்தவனைப் போல் கண்கள் சுழல உம்மைப் பார்ப்பார்கள்.*
•அச்சம் நீங்கியதும்: *போரில் கிடைத்த பொருட்களில் பேராசை கொண்டு, கூர்மையான நாவுகளால் உங்களைத் துன்புறுத்துவார்கள்*. (33:19)
________________________________
4 ) *போர்க்களத்திலிருந்து தப்பித்துச் செல்வதற்காக, ஒரு பிரிவினர் நபியிடம் என்ன பொய்க் காரணம்* கூறினார்கள்?
*எங்கள் வீடுகள் பாதுகாப்பற்றவையாக உள்ளன* என்று கூறினார்கள். ஆனால், அவர்களின் நோக்கம் வெருண்டோடுவதைத் தவிர வேறில்லை. (33:13)
________________________________
5 ) *நபியின் மனைவியருக்கு, அல்லாஹ் வழங்கிய இரண்டு தேர்வுகள்* யாவை?
1. *இவ்வுலக வாழ்வையும், அதன் பகட்டையும் தேர்ந்தெடுத்தால், வாழ்க்கை வசதிகளை அளித்து, அழகிய முறையில் மணவிலக்குச் செய்துவிடுவதாகக் கூறுவது*.
2. *அல்லாஹ்வையும், அவனது தூதரையும், மறுமை வீட்டையும் தேர்ந்தெடுத்தால், மகத்தான கூலி உண்டு* என்று கூறுவது. (33:28-29)
________________________________
6 ) *முஸ்லிம்களுக்கு அகழ்ப்போரின் வெற்றியாக அல்லாஹ் வழங்கிய அருட்கொடைகள்* யாவை?
*எதிரிகளின் பூமியையும், அவர்களின் இல்லங்களையும், அவர்களின் செல்வங்களையும், (முஸ்லிம்கள்) கால் பதிக்காத பூமியையும் அல்லாஹ் முஸ்லிம்களுக்கு வழங்கினான்*. (33:27)
________________________________
7 ) இறைநம்பிக்கையாளர்களில், *அல்லாஹ்விடம் அளித்த வாக்குறுதியை உண்மைப்படுத்தியவர்கள்* குறித்து அல்லாஹ் என்ன கூறுகிறான்?
அவர்களில் *தமது இலட்சியத்தை (உயிர்த்தியாகம் செய்து) நிறைவேற்றியோரும் உள்ளனர்; (அதற்காகக்) காத்திருப்பவர்களும் உள்ளனர். அவர்கள் சிறிதும் (தமது நிலையை) மாற்றிக் கொள்ளவில்லை*. (33:23)
________________________________
8 ) உஹுதுப் போரின் போது *நான் சொர்க்கத்தின் வாடையை உஹுது மலையிலிருந்து பெறுகிறேன்* என்று கூறிய நபிதோழர் யார்? இவ்வாறு எந்த நபிதோழரிடம் கூறினார்கள்?
*அனஸ் பின் நள்ர்* (ரலி) அவர்கள்.
*சஅத் பின் முஆத்* (ரலி) அவர்களிடம் கூறினார்கள் புகாரி (2805), முஸ்லிம் (3861)
________________________________
*Jazakallahu Haira جزاك اللهُ خيرًا*
About Author
