அஸ்ஸலாமு அலைக்கும் வ ரஹ்மத்துல்லாஹி வ பரக்காத்துஹூ*
|| *கேள்வி 211* ||
அத்தியாயம் 27 [*அந்நமல்( எறும்பு*)
01- 40 ] வசனங்கள்.
_________________________________
1 ) *பூமியில் சீர்கெட்டுத் திரிபவர்கள்* என யாரை அல்லாஹ் குறிப்பிடுகிறான்?
*மறுமையை நம்பாதவர்களையே* அல்லாஹ் அவ்வாறு குறிப்பிடுகிறான். அவர்களுடைய (*தீய) செயல்களை அவர்களுக்கே அழகாக்கிக் காட்டியதால்*, அவர்கள் (உண்மையான வழியை அறியாது) தடுமாறித் திரிகின்றனர்.
(27:4)
_________________________________
2 ) *துவா பள்ளத்தாக்கிலிருந்து எதை கொண்டுவருவதாக* தன் குடும்பத்தினர்க்கு மூஸா (அலை) கூறினார்கள்?
மூஸா (அலை) அவர்கள், நெருப்பைக் கண்ட இடத்திலிருந்து இரண்டு விஷயங்களில் ஒன்றைக் கொண்டு வருவதாகத் தன் குடும்பத்தினரிடம் கூறினார்கள்:
1. *ஏதேனும் ஒரு செய்தி*.
2. அல்லது, *அவர்கள் குளிர் காய்வதற்காக ஒரு தீப்பந்தம்*. (27:7)
_________________________________
3 ) நமல்(ٱلنَّمْلِ) களின் உரையாடலைக் கேட்ட பின் *சுலைமான் நபி கேட்ட பிரார்த்தனை* என்ன?
எறும்பின் பேச்சைக் கேட்டுப் புன்னகைத்த சுலைமான் (அலை) அவர்கள், பின்வரும் பிரார்த்தனையைச் செய்தார்கள்:
*என் இறைவனே! என்மீதும், என் பெற்றோர்மீதும் நீ புரிந்த அருட்கொடைக்கு நான் நன்றி செலுத்துவதற்கும், நீ பொருந்திக் கொள்ளும் நற்செயலைச் செய்வதற்கும் எனக்கு வழிகாட்டுவாயாக! உன் கருணையால் என்னை உனது நல்லடியார்களுடன் சேர்த்து வைப்பாயாக!*
(27:19)
_________________________________
4 ) பறவைகளின் மொழி சுலைமான் நபிக்கு மட்டும் கற்றுக்கொடுக்கபட்டதா?
வசனம் 16-இல், சுலைமான் (அலை) அவர்கள், *மக்களே! பறவைகளின் மொழியை நாங்கள் கற்றுக் கொடுக்கப்பட்டுள்ளோம்* என்று பன்மையில் குறிப்பிடுகிறார்கள். இது அவருக்கும், *அவருடைய தந்தை தாவூத் (அலை) அவர்களுக்கும் சேர்த்தே கற்றுக்கொடுக்கப்பட்டது* என்பதை உணர்த்துகிறது. (27:16)
_________________________________
5 ) *கண்களால் பார்க்க கூடிய ஒன்பது அத்தாட்சிகளைக் கண்ட பின்பும்* மூஸா நபியை ஃபிர்அவ்னின் சமுகத்தினர் மறுப்பதற்குக் காரணம் என்ன?
அவர்களின் உள்ளங்கள் அந்த அத்தாட்சிகளை (உண்மை என) உறுதியாக அறிந்திருந்தும், *அநியாயம் மற்றும் கர்வம் காரணமாகவே* அவர்கள் அவற்றை மறுத்தனர். (27:14)
_________________________________
6 ) *ஸபா அரசிக்கு சுலைமான் நபி கடிதம் மூலம் வைத்த கோரிக்கை* என்ன?
சுலைமான் (அலை) அவர்கள் தனது கடிதம் மூலம் ஸபா அரசிக்கு வைத்த இரண்டு முக்கியக் கோரிக்கைகள்:
1. *என்னிடம் ஆணவம் கொள்ளாதீர்கள்*!
2. (*அல்லாஹ்வுக்குக்) கட்டுப்பட்டவர்களாக (முஸ்லிம்களாக) என்னிடம் வாருங்கள்!* (27:31)
_________________________________
7 ) *அல்லாஹு லாயிலாஹ இல்லா ஹூவ ரப்புல் அர்ஷில் அளீம்* என கூறியது யார்?
*ஹுத்ஹுத் பறவை,* சுலைமான் (அலை) அவர்களிடம் ஸபா நாட்டு மக்களின் நிலையை விவரித்து முடிக்கும்போது இவ்வாறு கூறியது. (27:26)
_________________________________
8 ) *ஹாதா மின் ஃபழ்லி ரப்பீ* என சுலைமான் நபி எப்போது கூறினார்கள்?
*வேத ஞானம் பெற்ற ஜின், கண்மூடித் திறப்பதற்குள் ஸபா அரசியின் அரியணையைத் தன் முன் கொண்டு வந்து வைத்தபோது*, அந்த அரியணை தன் அருகில் இருப்பதை சுலைமான் (அலை) அவர்கள் கண்டார்கள். அப்போதுதான், iஹாதா மின் ஃபழ்லி ரப்பீ” (هَٰذَا مِن فَضْلِ رَبِّي – இது என் இறைவனின் அருட்கொடை)* என்று கூறினார்கள்.
(27:40)
_________________________________
9 ) *இருப்பிடத்திலிருந்து நீர் எழுவதற்கு முன் குர்ஷியை கொண்டு வருவதாக கூறிய ஜின்* பெயர் என்ன?
அந்த ஜின்னின் பெயர் *இஃப்ரீத் (عِفْرِيتٌ)* ஆகும். (27:39)
_________________________________
*Jazakallahu Haira جزاك اللهُ خيرًا*
About Author
