நபி (ஸல்) அவர்கள் கேட்ட பிரார்த்தனைகள்
இம்மை & மறுமை
எங்கள் இறைவா! இவ்வுலகிலும் எங்களுக்கு நன்மையை வழங்குவாயாக! மறுமையிலும் நன்மையை (வழங்குவாயாக!) நரக வேதனையிலிருந்து எங்களைக் காப்பாயாக! என்று கூறுவோரும் மனிதர்களில் உள்ளனர்.
(அல்குர்ஆன்:2:201.)
கவலைகள் தீர
எனக்கு அல்லாஹ்வே போதுமானவன். (வழிபடுவதற்குரிய) நாயன் அவனையன்றி (வேறுயாரும்) இல்லை அவன் மீதே நான் பரிபூரண நம்பிக்கை கொண்டுள்ளேன் – அவன் தான் மகத்தான அரியாசனத்தின் (அர்ஷின்) அதிபதி.*
(அல்குர்ஆன்:9:129.)
கல்வி அறிவுப் பெருக
இறைவா! கல்வி ஞானத்தை எனக்கு அதிகப்படுத்துவாயாக!
(அல்குர்ஆன்:20:114.)
நிராகரிப்பவர்களுக்கு எதிராக நாம் வெற்றி பெற
என் இறைவா! சத்தியத் தீர்ப்பு வழங்குவாயாக! என்று கூறினார். எங்கள் இறைவனோ அறவற்ற அருளாளன். நீங்கள் வர்ணிப்பதற்கு எதிராக உதவி தேடப்படுபவன்.
(அல்குர்ஆன்:21:112.)
மறுமையில் அதிகமான நற்கூலி பெற
அவர்கள் வர்ணிப்பதை விட்டும் கண்ணியத்தின் இறைவனான உம்முடைய இறைவன் தூயவன்.மேலும் முர்ஸல்(களான அவன் தூதர்)கள் மீது ஸலாம் உண்டாவதாக.வல்ஹம்து லில்லாஹி ரப்பில் ஆலமீம் (இன்னும் புகழ் அனைத்தும் அகிலங்களின் இறைவனாகிய அல்லாஹ்வுக்கே உரித்தாகும்).
(அல்குர்ஆன்:37:180,181,182.)
பிரயாண துஆ
இதன் மீது (செல்ல) சக்தியற்றவர்களாக இருந்த எங்களுக்கு, இதனை வசப்படுத்தித்தந்த அ(வ் விறை)வன் மிக்க பரிசத்தமானவன்.‘மேலும், நிச்சயமாக நாம் எங்கள் இறைவனிடத்தில் திரும்பிச் செல்பவர்கள்.
(அல்குர்ஆன்:43:13,14.)
இறை நம்பிக்கை அதிகமாக
அவன் தான் அல்லாஹ் – என்னுடைய இறைவன்; அவன் மீதே நான் முற்றும் நம்பிக்கை வைக்கிறேன்; அன்றியும் அவன் பக்கமே நான் திரும்புகிறேன்.
(அல்குர்ஆன்:42:10.)
நம்பிக்கை கொண்ட அனைவரும் மன்னிக்கப் பெற
என் இறைவா! எனக்கும், என் பெற்றோருக்கும், என் வீட்டில் நம்பிக்கையாளர்களாகப் பிரவேசித்தவர்களுக்கும், முஃமினான ஆண்களுக்கும் முஃமினான பெண்களுக்கும், நீ மன்னிப்பளிப்பாயாக!
(அல்குர்ஆன்:71:28.)
———————
ஏகத்துவம்
About Author
